Monday, April 13, 2020

පතනෙමි නවවසර තිසරණට සිත් යොමා - සාමය, සතුට, නිරෝගිකම ලැබෙනු මනා!


එරබදු මල් පිපුණු බව මඟ හැරී ගියා
රතිඤ්ඤ නැතිව පරිසරයම නිහඬ උනා
රෙදිපිළි කඩ පාළු සුසාන බිම් සේයා
වෛරසයක් සියල් කණපිට පෙරලූවා

ගෙඩියක් දෙකක් වත් නෑ කොස් ගස් අත්තේ

මේ අවුරුද්ද නැහැ කාගෙත් සිත් අස්සේ
මව්පියො එහේ අපි මෙහෙ සිරවී ඇත්තේ
නැකැත් ඇවිත් - නෑවිත් වගෙ සිත් මත්තේ

කොහා දෙඩූවද අවුරුදු ඇවිත් කියා

බොඳ උනි සිත් සතුට වෛරසයක්ම නියා
පතනෙමි නවවසර තිසරණට සිත් යොමා
සාමය, සතුට, නිරෝගිකම ලැබෙනු මනා!

-ආරච්චි-

Sunday, April 14, 2019

සුභ නව වසරක්ම වේවා!

ලෙඩ දුක් නොවේවා
සතුට සාමය පිරේවා
ජයෙන් ජය වේවා
සුභ නව රක්ම වේවා!

යහ පැතුම් ඉටුවේවා

ධන-බල වැඩේවා
අයු බෝ වෙවා
සුභ නව රක්ම වේවා!

සිත් තොසින් පිරේවා

සබඳකම් අලුත් වේවා
විරසක තුරන් වේවා
සුභ නව රක්ම වේවා!

-ආරච්චි-


රූ

Wednesday, February 21, 2018

කෘතගුණ පුද පඳුරු ගෙන, ඔබේ දෙපාමුළට, එනවා සත්තමයි...

මහා ඇඳිරිඳු සාවිත්‍රී ගුණසේකරයන්
නීතිය පරතෙරටම උගෙන,
දස දහස් සිසු දරුවනට,
නීති මංපෙත්,
නිති විවර කරදුන්
ඒ උත්තමාවියට,
කෙළෙහිගුණ දක්වන්න,
ඒ උරුම කරදුන්,
මඟ ගමන් කරනා
සොයුර සොයුරියේ,
අපෙ පරම යුතුකමයි..!

අපේ පෙර මං වෙනුවෙන්
ඇඟේ තුඩැඟිලි 
කෙතරම් වෙහෙසුනිද?
යතුරු ලියනය නොහැකි වූ තැන
වේගයෙන් සරමින්, එතුඩැඟිලි... 
සිය අසහාය පෞර්ෂය
තීන්ත බවට පත්කොට,
බිඳිය නොහැකි ලෙස
නිබයව, නොසැලව,
තර්ක-ප්‍රතිතර්ක කරමින්
දුරස් සිප් මඟ තුළ
නීති සිසු දිවි ඔසව තැබුමට
ගුරු මව්නි සිඳු කළ 
අසහාය සේවයට
කෙළෙස පුදමුද කෘතගුණ...

උත්තමාවනි,
ඔබේ වෙහෙසෙන්
බිඳි යදම් වල
ඵල ලබන අප
සදාකල් ණය ගැතියි
ගුරු මව්නි...
කෘතගුණ පුද පඳුරු ගෙන
බැතිපෙම් පුදන්නට 
ඔබේ දෙපාමුළට 
එනවා සත්තමයි...

-ආරච්චි-

රූ

සුභ පැතුම් ගුරුතුමනි..!

සිසු-සිසුවි,
හඳ-මන,
ඇඳ-බැඳ ගත්,
විවෘතයේ දිසාපාමොක්
ඇඳුරු තෙම,
නික්ම යයි...
ඔහුට සුපුරුදු
තක්සලාවෙන්,
නංවමින් සෝ-සුසුම්,
සිසු-සිසුවි
හඳ-මන තුළ...

සුභ පැතුම්
ගුරුතුමනි,
සුපැහැදිලි අනාගතයකට!
පෙන්වන්න පෙරමඟ
දස දහස් ගණනක්
දරුවනට..

-ආරච්චි-

Friday, January 26, 2018

කුසුම!

මගෙන් උදුරා ගත් ඒ කුසුම
මගෙන් ඉදිරී ගිය කුසුම මත
හිනැහෙමින් සරදම් කළායුරු
අද වගේ මතකයි... අද වගේ මතකයි!

-ආරච්චි-

සංසාර ජීවිතය...

හතිලමින්,
පැකිලෙමින්,
නිදිවරමින්,
මසු සොයමින්,
එමසු වැයකරමින්,
දින ගෙවමින්,
බොහෝ ආමුත්
මේ සසර ගමනේ...
නිමා නැත,
තව බොහෝ ඇත...
දා කඳුළු වගුරන්න...
මේ සසරෙ කැරකෙන්න...
එඩිගන්න... දිරි ගන්න... තව යන්න...

-ආරච්චි-


Wednesday, June 21, 2017

නාහිමියනි මාහිමියනි ඔබදුන් ඔවදන් - පිළිගන්නෙමු එඩි ගන්නෙමු අපි ගරු සරුවෙන්!
























ඔටු හැතිකරෙ වනසනවා තැනු උරුමය විරු
හතර වටින් බොදුනුවන්ට අනිනව මුන් ටොකු
සඟරුවනට නමෙන් කථා කරමින් නොම ගරු
බත් බැලයෝ දෙස්පලුවෝ පවසති මහ බොරු

වනසනවා බොදු උරුමය උතුරු නැගෙනහිර
පතුරනවා රටදැය වනසන කතන්දර
රට බෙදන්න දැය නසන්න කරනව තර්ජන
මේව අසා නිහඬව නම් කොහොමට ඉන්නද

බොදු උරුමය සැම තැන්හිම වනසා වනසා
බොරු චෝදන බොදුනුවන්ට කරනා කරනා
සිඳුවන මේ අකටයුත්ත බලලා බලලා
නාහිමි මුව විවර කලා ඉවසා ඉවසා

කහ සිවුරේ රැකවරණය රට දැය වෙනුවෙන්
එදා පටන් ක්‍රියා කළේ උරුමය රකිමින්
නාහිමියනි මාහිමියනි ඔබදුන් ඔවදන්
පිළිගන්නෙමු එඩි ගන්නෙමු අපි ගරු සරුවෙන්!

-ආරච්චි-

රූ